🟥 العمدة الصادق الشريف مرغني يكتب: الشورى نجاة الأمة.

بسم الله الرحمن الرحيم

يا أهل السودان

البلد ما بتتقاد برأي زول واحد

ولا بقرار فردي يجي الصباح ويتغير المساء

البلد بتتقاد بالشورى

الشورى أمر من الله

قال تعالى ﴿وَشَاوِرْهُمْ فِي الْأَمْرِ﴾

حتى النبي صلى الله عليه وسلم وهو المؤيد بالوحي أمر بالشورى

عشان تعرف إنو الرأي الواحد مهما كان قوي ناقص

70 سنة حكم فردي واستبداد بالرأي

الزول يقعد في الكرسي ويقول أنا وبس

والنتيجة قرارات غلط بتودي البلد في ستين داهية

والشعب يتفرج وما عندو كلمة

الشورى تمنع الاستبداد

لمن يتجمع أهل الحل والعقد والعلم والخبرة

الرأي بتسدد والخطأ بيتكشف قبل ما يقع

والظلم بيتوقف قبل ما يتمكن

الشورى تجمع ما تفرق

الناس لما تشارك في القرار بتحسو قرارها

بتدافع عنو وتشتغل عشان ينجح

لكن لمن يتفرض عليها القرار من فوق بتكرهو وبتخربو

الشورى في الإسلام ما ديمقراطية غربية

الشورى شورى أهل العلم والتقوى والخبرة

ما أي زول يصوت على أي حاجة

في أمور الدين والدنيا عندها أهلها

قال تعالى ﴿فَاسْأَلُوا أَهْلَ الذِّكْرِ إِن كُنتُمْ لَا تَعْلَمُونَ﴾

الشورى ما معناها فوضى وكلام كتير بلا فعل

الشورى بعد المشاورة يجي القرار ويمشي الناس عليهو

واللي ما وافق يطيع في المعروف

لأنو اجتماع الكلمة خير من تفرقها

لو رجعت الشورى للحكم في السودان

الجهوية بتقيف

والمحسوبية بتقيف

والقرارات بتطلع ناضجة متوازنة

والناس بترضى حتى لو القرار ما عاجبها

قال تعالى ﴿وَأَمْرُهُمْ شُورَىٰ بَيْنَهُمْ﴾

اللهم اجمع كلمتنا على الحق واهد ولاة أمرنا للشورى والعدل .